सम्झौता कांग्रेस विरुद्ध मखु : खनाल

नेकपा (एमाले)या अध्यक्ष झलनाथ खनालं माओवादी व एमाले दथुइ जूगु सम्झौता कांग्रेस विरुद्ध मजूगु स्पष्ट याःगु दु । 'निगू दल दथुइ जूगु सम्झौता कांग्रेस विरुद्ध जूगु धकाः गुकथं कांग्रेसं टिप्पणी यानाच्वंगु खः अथे मखु' खनालं धयादिल ।

सोमवाः एमालेया केन्द्रीय सल्लाहकार परिषद्या बैठकय् अध्यक्ष खनालं माओवादी व एमाले दथुइ जूगु सम्झौता प्रति शंका मयायेत इनाप यानादिसें उगु सम्झौता शान्ति व संविधानयात तार्किक निष्कर्षय् थ्यंकेगु जूगु धयादिल ।

वय्कलं आः सहमतिया निंतिं एमालें कांग्रेस लगायत दक्वं दलत नाप वार्ता यायेगु नं धयादिल ।