डेंगु प्रभावित क्षेत्रय् विषेश पुचः छ्वयेत सरकारयात निर्देशन

व्यवस्थापिका संसद अन्तर्गतया महिला, बालबालिका तथा समाज कल्याण समितिं सरकारयात डेंगु प्रभावित क्षेत्रय् विषेश पुचः छ्वयेत निर्देशन ब्यूगु दु । सरकारं डेंगु प्रभावित क्षेत्रया अध्ययन यायेत स्वास्थ्य मन्त्रालयया सचिव डा. प्रविण मिश्रया संयोजकत्वय् गठित पुचलं अनया स्थानीय स्रोत साधनं जक डेंगु नियन्त्रण यायेमफइगु खँ न्ह्यथंनेवं समितिं थंज्याःगु निर्देशन ब्यूगु दु । अथेहे समितिं अध्ययन पुचलं ब्यूगु प्रतिवेदन समितियात लःल्हायेत नं सरकारयात निर्देशन ब्यूगु दु ।

उखे डेंगु प्रभावति क्षेत्र नवलपरासीलय् उगु ल्वचं कयाः ४म्ह सीगु दु । डेंगुया कारणं अनिता रेग्मी, रमा चापागाँई, मधु सापकोटा व दीपक ठकुरी सीगु खः । उखे चितवनय् नं डेंगु महामरी कथं न्यंगु दु ।