थरुहट बन्दं जनजीवन प्रभावित

सरकारनाप जूगु सहमति कार्यान्वयन मजूगु धासें थरुहट मंकाः संघर्ष समितिं आव्हान याःगु अनिश्चितकालीन बन्दया कारण बिहिवाः नं तराईया जिल्लाया जनजीवन प्रभावित जूगु दु ।

सुनसरी, सप्तरी, सिरहा, सर्लाही, चितवन, नवलपरासी, रुपन्देही, कपिलवस्तु, दाङ, बाँके, बर्दीया, कैलाली लगायतया जिल्लाय् जनजीवन प्रभावित जूगु खः । बन्दया कारण राजमार्गया सवारी चलेजुइफुगु मदुसाः पसः कलकारखाना नं चालेफुगु मदु ।

वंगु चैत १गते सरकारनाप जूगु खुगू बुँदे सहमति पालना यायेमाःगु माग यासें मंकाः समितिं म्हिग निसें तराईया नीनिगू जिल्लाय् अनिश्चितकालीन बन्दयाःगु खः ।