बबरमहलं ३० म्ह वन उपभोक्ता ज्वन
येँ (सन्ध्या टाइम्स)/न्हापा हे घोषणा यानातःगु ज्याझ्वः कथं येँया बबरमहलया वन विभाग घेराउ याःवंपिं स्वीम्ह सामुदायिक वन उपभोक्ता महासंघया दुजःतय्त प्रहरीं ज्वना यंकूगु दु ।
महासंघया नायः अप्सरा चापागाइँ लगायत स्वीम्ह दुजःतय्त विभागया मू ध्वाखां हे ज्वना यंकूगु खः। सरकारं यायेत्यंगु वन ऐन संशोधनया विरोध यासें सामुदायिक वन उपभोक्ता समितिं आन्दोलन याना वयाच्वंगु खः। सामुदायिक वन उपभोक्ता महासंघया आह्वानय् वन उपभोक्तातय्सं थ्व सिबें न्ह्यः देय्न्यंकंया जिल्ला वन ज्याकुथी धर्ना च्वनेगु नापं तालं ग्वयेगु तकं यायेधुंकूगु दु ।
