किसि ख्याः वंपिं निम्ह करेन्टं ज्वनाः मंत

येँ (सन्ध्या टाइम्स)/किसि ख्याः वंगु इलय् विद्युतीय धरापय् लानाः बर्दियाया शिवपुर गाविस वडा नं. ८ मोहनपुर गामय् च्वंम्ह २२ दँया शंकर चौधरी व २८ दँया क्षेपा चौधरी मंत। वंगु चान्हय् बर्दियाया निकुञ्जं तयातःगु विद्युतीय धरापय् लानाः मदुगु खः धकाः प्रहरीं धाःगु दु। अन स्थानीय मनूतय्गु वाली स्यंका बिउगुलिं निकुञ्जं किसित पिहां वने मफयेमा धकाः विद्युतीय धराप तया बिउगु खःसा किसित वल धकाः ख्याः वंगु इलय् उगु कथं दुर्घटना जूगु खः ।