स्वनिगःव्यापी भजन क्वचाल
येँ (सन्ध्या टाइम्स)/येँयाःया लसताय् थुगुसी श्री आकाश भैरब भजन खलःया ग्वसालय् वंघलय् दबू ग्वयाः स्वनिगःब्यापी भजन खलःया विशेष ज्याझ्वः जुल। ज्याझ्वलय् सिद्धि शालिग्राम वृद्धाश्रम भजन खलः (ख्वप), पशुपतिनाथ मुक्तिनाथ मण्डप (पशुपति), चण्डेश्वरी भजन मण्डल (बनेपा), कुमारी साइबाबा भजन मण्डल (मरु), मछिन्द्रनाथ भजन खलः (जनबहाः), महालक्ष्मी भजन मण्डल (सक्व) पाखें ब्वति काःगु खः ।
भजनया अन्तिम न्हि कुन्हु श्री आकाश भैरब भजन खलःयात निरन्तरता बीत तिबः बियावयाच्वंपिं नाती महर्जन, मातृका के.सी व हरिबहादुर नकःमियात भजन खलःया संरक्षक विकासभक्त श्रेष्ठं हनापौ लःल्हानादीगु खःसा खलःया सल्लाहकार गोपालबहादुर प्रधानं न्याद्वः�न्याद्वः तका लःल्हानादीगु खः। ज्याझ्वलय् खलःया नायः शिव श्रेष्ठं झीगु संस्कृति, परम्परा व मान्यतायात म्वाका तयेया निंतिं ग्वाहालि यानादीपिं सकसितं सुभाय् बियादिल ।
ज्याझ्वलय् सहभागी जूपिंसं दाता इन्द्रजवाहर सहयोग गुथिया इन्द्रभक्त श्रेष्ठया क्वसाःगु नुगःयात च्वछायादीगु खः। थ्वहे गुथिया ग्वाहालिं आजुद्यः सम्बन्धी थीथी सफू व भजन म्येचाः नं पिकायेगु ज्या जूगु खः ।
