मामं स्वीकार मयायेवं काय खोरय्

वीरगंज (सन्ध्या टाइम्स)/छेँनं बेपत्ता जुयाः झिंच्यादँ लिहां वःम्ह छम्ह मनूयात वया मामं थः काय मखु धकाः सकारे मयासेंलि स्थिति तनावपूर्ण जुयाः अन्ततः काय जूम्ह मिजंयात प्रहरीं हिरासतय् कायेमाःगु अवस्था वल। झिंनिदँ दुबलय् छेँ त्वःताः बिसिउँ वंम्ह मनू लिहां वःबलय् धाःसा साधुया भेषय् वःगु जुयाच्वन। वं थः मांयात पुलांगु फुक्क खँ कनेवं मामं वयात काय स्वीकार ला याःगु खः। तर वं साधुया भेषय् गजि त्वनेगु, स्थानीय मनूतय्त दुःख बीगु ज्या यासेंलि मांम्हेसिनं थ्व थः काय मखु धकाः प्रहरीइ उजुरी तया बिल। उजुरी लायेवं प्रहरीं वयात ज्वनाः कुना बिल। तर मामं स्वीकार याःसां वया तताम्हेस्यां धाःसा थः किजा खः धकाः स्वीकार याःगु दु। यदि मामां वयात छेँय् दुमकाल धाःसा तताम्हेस्यां जूसां लहीगु खँ धाःगु दु। थुगु रोचक समस्या समाधान यायेत पर्सा ठोरी गाविसया मेपिं मनूत नं लगे जुयाच्वंगु दु ।