सछिल्याः पूवंगु नेवाः मेघा सिरियल
एनटीभी-२ खय् प्रशारण जुयाच्वंगु नेपालभाषाया मेघा सिरियल 'उलिंचिया बाखं थुलिंचा' १०० भाग थ्यंगु दु। थ्व सुखद लसताय् कन्हय् छगू ज्याझ्वः यासें थुकिया कलाकार व प्राविधिक पुचःयात हनीगु ज्याझ्वः दु।
'उलिंचिया बाखं थुलिंचा' एनटीभी-२ खय् प्रशारण जूगु २०६५ कार्तिक १ निसें प्रशारण शुरु जूगु खः। थुकिया परिकल्पनाकार व निर्देशक अमृतमान महर्जन खः। थुकी समाजय् व्याप्त थीथी कथंया विकृतियात व्यंग्य यानाः प्याखं दयेकातःगु दु। 'सिने ग्राफिक्स' नांगु संस्थां दयेकीगु थ्व सिरियलयात नेपालभाषाया न्हापांगु टेलि मेघा सिरियल धकाः दावी यानातःगु दु ।
थ्व सिरियल शुक्रवाःपतिकं बहनी ९.१५ बजे व आइतवाः सुथय् १०.३० बजे हानं प्रशारण जुया वयाच्वंगु दु।
१०० ल्याः लिपा नं सिरियल जारी हे जुइगु खँ निर्माता पुचलं धाःगु दु ।
