प्रधानसेनापतियात कारबाहि मयायेत माओवादी सहमत
शान्ति सम्झौता विरुद्ध वंगुलिं स्पष्टिकरण : प्रधानमन्त्री
प्रधानसेनापति रुक्माङ कटुवालयात कारवाही मयायेत एकीकृत नेकपा (माओवादी) सहमत जूगु दु ।
प्रधानमन्त्रीया आह्वानय् माओवादी संसदीय् ज्याकू सिंहदवारय् बुधवाः संविधान सभाय् दुथ्याःगु नीगू दलया बैठकं थंज्याःगु निष्कर्श पिकाःगु खः । बैठकय् न्ह्यायेवं माओवादी बाहेकया दलतय्सं प्रधानसेनापतियात कारवाहि मयायेत दबाव ब्यूगु खः ।
प्रधानमन्त्री पुष्पकमल दाहाल प्रचण्डं नेपाली सेनां शान्ति सम्झौता विरुद्ध ज्या यागुलिं स्पष्टिकरण फ्वनाःगु खँ धयादीगु खः । वयेकलं नागरिकया सर्वोच्चतायात खलल जुइ कथंया ज्या या:गु व समायोजन प्रकृया स्यंकेत स्वःगुलिं स्पष्टीकरण माग यानाःगु स्पष्ट यानादिल । प्रधानमन्त्री दाहालं स्पष्टिकरण दुने छुं नं कथंया रणनीति दुमथ्याःगु धासें सेनां सरकारया आदेशयात पटक-पटक अवज्ञा याःगुलिं नागरिक सर्वोच्चता कायम यायेत स्पष्टिकरण माग यायेमाःगु धयादिल ।
बैठकय् नेमकिपा, राष्ट्रिय जनमोर्चा, दलित जनजनति पार्टी व लोकतान्त्रि संघीय राष्ट्रिय मंच बाहेक नीगू दलया शीर्ष नेतातय्सं ब्वति काःगु खः ।
