एमाले महासचिवयात आक्रमण याःगु अभियोगय् माओवादी कार्यकर्तायात ज्वन

दच्छि न्ह्यः रामेछापया कात्ले भिरय् नेकपा (एमाले)या महासचिव ईश्वर पोखरेलयात आक्रमण याःगु अभियोगय् माओवादी कार्यकर्तायात प्रहरीं आइतवाः सुथय् ज्वंगु दु । छगू ज्याझ्वलं लिहांवयाच्वंगु इलय् अप्पां क्येकाः पोखरेलयात आक्रमण याःगु द्वपलय् प्रहरीं सिन्धुली जिल्लया माओवादी सह ईन्चार्ज राजन दाहालयात सिन्धुलीमाडी पाखें ज्वंगु दु । ज्वंम्ह दाहालं पोखरेलयात स्यायेगु आशयं आक्रमण याःगु अभियोगय् ज्वंगु खः । दाहालया बारे छानबिन यायेगु जिम्मा सहित दाहालयात रामेछाप प्रहरीयात लःल्हाःगु दु ।

उखे माओवादीं थः कार्यकर्तायात त्वतेत माग यासें आइतवाः सिन्धुली बन्दया आह्वान याःगु दु ।