विशेष समितियात लाडकूया फोटो सहितया विवरण बीगु
सेना समायोजन विशेष समितिं माओवादी लडाकूया फोटो सहितया विवरण काइगु जूगु दु । माओवादी लडाकूया नां, दँ, स्थायी थाय् बाय् व फोटो सहितया विवरण विशेष समितियात लःल्हाइगु जूगु दु । अथेहे विशेष समितिं थ्वस्वयां न्ह्यः पारित याःगु निर्देशिका व आचारसंहिता बमोजिम सचिवालयं ज्या न्ह्याकीगु निर्णय याःगु दु ।
समितिया शनिवाः च्वंगु बैठकं लडाकूया समायोजन व पुर्नस्थापना सम्बन्धी ज्यायात प्यलाःया दुने पूवंकेगु सहमति नं याःगु दु । कार्ययोजना पूवंकेत माओवादी, कांग्रेस व एमालेया छम्ह-छम्ह प्रतिनिधि दुथ्याःगु उपसमिति नं गठन याःगु दु । समितिलय् माओवादी पाखें वर्षमान पुन 'अनन्त', कांग्रेस पाखें डा. रामशरण महत व एमाले पाखें ईश्वर पोखरेल च्वनादीगु दु ।
प्रधानमन्त्री निवास बालुवाटारय् च्वंगु बैठकं कार्ययोजनया बारे थप सहलह याना राहत प्याकेज सहित प्यन्हूया दुने कार्ययोजन पारित यायेगु निर्णय याःगु दु ।
