'कांग्रेसं उम्मेदवारी लितकायेधुंकाः खनाल प्रम'
नेकपा (एमाले)या उपाध्यक्ष वामदेव गौतमं कांग्रेसं प्रधानमन्त्रीया उम्मेदवारी लितमकासाः धर्ना वा विशेष अधिवेशन मार्फत थुगु प्रकृया क्वचायेकेगु खँ धयादीगु दु । वय्कलं वयां लिपा दलतय् सहमतिलय् एमाले अध्यक्ष झलनाथ खनाल प्रधानमन्त्री जुइगु दावी यानादिल ।
एमाले प्युठान-येँ सम्पर्क मञ्चं थौं येँय् याःगु भिंतुना कालबिल ज्याझ्वलय् गौतमं ३०१म्ह सांसदं संसदय् धर्ना बियाः सभामुखयात प्रधानमन्त्री चुनावबारे संविधान संशोधन याकेत दबाव बीगु धयादिल ।
वय्कलं अथे मजुसाः संविधानसभाया एक चौथाई दुजःतय्सं विशेष अधिवेशन माग यानाः संसद्या थ्व व्यवस्था हिकेगु व वयां लिपाया परिस्थितिलय् एमाले अध्यक्ष झलनाथ खनाल प्रधानमन्त्री जुइगु दावी यानादिल ।
उपाध्यक्ष गौतमं माओवादीं मधेशवादी दलतनाप मिले जुयाः सरकार गठन यायेफइगु जूगुलिं हे एमालें माओवादीया उम्मेदवारी लितकायेकाःगु दाबी नं यानादिल ।
