न्हापा माओवादीं प्रतिवद्धता कार्यान्वयन यायेमा : प्रकाशमान

नेपाली कांग्रेस महामन्त्री प्रकाशमान सिंहं शान्ति प्रक्रियाय् माओवादीं आः तक याःगु प्रतिवद्धता कार्यान्वयनया सुनिश्चितता मयायेकं कांग्रेसं प्रधानमन्त्रीया उम्मेदवारी लितमकायेगु अडान लिसाकयादीगु दु । कांग्रेस पर्वत-येँय् सम्पर्क समितिं थौं येँय् याःगु ज्याझ्वलय् महामन्त्री सिंहं माओवादीं सहमति याइगु तर कार्यान्वयन मयाइगु याःगुलिं माओवादी प्रति मेमेगू दलतय्सं विश्वास मयाःगु धयादिल । महामन्त्री सिंहं प्रधानमन्त्रीया उम्मेदवारी कांग्रेसं लितकाःसा संवैधानिक शुन्यता जुइगुलिं नं उम्मेदवारी लितमकायेगु धयादिल ।