दर्बे व किरण शाक्यया अबु मंत

यल (सन्ध्या टाइम्स)/नेपालभाषा आन्दोलनया सक्रिय कार्यकर्तापिं दर्बेरत्न शाक्य व किरण शाक्यया अबु देवरत्न शाक्य मंत। वय्कः ७६ दँ दुम्ह खः। वंगु छुं न्हि न्ह्यवंनिसें उसाँय् मदयाः वय्कःयात अस्पताल भर्ना यानातःगु खःसा अस्पतालय् वासः याकुयाकुं म्हिगः बहनी वय्कः मदुगु खः। थौं हे थनया शंखमुलय् वय्कःया अन्तिम संस्कार क्वचाल। वय्कः यलया छम्ह कुशल हस्तकलाकर्मी नं खः। मदुम्ह शाक्यया न्याम्ह काय्पिं दी ।