शिल्पकारयात हना
यल (सन्ध्या टाइम्स)/सिद्धिमंगल बुद्ध विहारय् संचालन जुयाच्वंगु परियत्ति शिक्षायात थपुकेगु ज्याय् योगदान यानादीम्ह समाजसेवी मोतिलाल शिल्पकारयात हनेज्या यात। मूपाहां भिक्षु ज्ञानपुर्णिक महास्थविरं वय्कःयात हनापौ लःल्हानाबिज्याःगु खः ।
श्री शिद्धिमंगल बुद्ध विहार परियत्ति शिक्षा केन्द्रया ग्वसालय् जूगु उगु ज्याझ्वलय् नात महर्जन लगायत थीथी वक्तातय्सं थःपिनि नुगःखँ प्वंकादीगु खः ।
