'एमाले सरकारया नेतृत्व यायेत तयार'

नेकपा (एमाले)या अध्यक्ष झलनाथ खनालं एमाले राष्ट्रिय सहमतिया सरकारया नेतृत्व यायेत तयार दुगु खँ धयादीगु दु । अनेरास्ववियुया सम्मेलन उलेज्या यायेत शुक्रवाः जनकपुर थ्यंकादीम्ह अध्यक्ष खनालं दलत दथुइ सहमति जुसाः राष्ट्रिय सहमतिया सरकारया नेतृत्व यायेत एमाले तयार जूगु धयादिल ।

राष्ट्रिय सहमतिया सरकारया पक्षय् अडान कयाच्वनादीम्ह एमाले अध्यक्ष खनालं थः प्रधानमन्त्री जुइत तयार जूगु धयादिसें थःगु पक्षय् राष्ट्रिय सहमति बने जुइगु दावी नं यानादिल । वय्कलं सुया पक्षय् सहमति जुइ वं हे सरकारया नेतृत्व याइगु धयादिसें शान्ति व संविधानयात पूर्णता बीगु शर्तय् एमालं सरकारयात प्राथमिकता बीगु स्पष्ट यानादिल ।