अखिलयात महासंघ याइगु

येँ (सन्ध्या टाइम्स)/एमालेया भ्रातृ संगठन अनेरास्ववियुया २० क्वःगु सम्मेलन कन्हय्निसें धनुषाया जनकपुरय् जुइत्यंगु दु। थ्वहे सम्मेलनंनिसें आः अखिलया नां नं विद्यार्थी युनियन मजुसे महासंघ कथं हीकीगु जूगु दु। सांगठनिक स्वरुपयात महासंघ कथं विकास यानाः क्वय्या तह तकं अधिकार बीगु खँ धाःगु दु। 'शिक्षा, स्वास्थ्य व रोजगार झीगु मौलिक अधिकार' धइगु नारा थ्वयेकाः जुइत्यंगु उगु सम्मेलनया उलेज्या एमालेया अध्यक्ष झलनाथ खनालं यानादी। सम्मेलनय् च्याद्वःम्ह प्रतिनिधितय्सं ब्वति काइ ।