नेपालभाषा स्यनेज्या कुथिया न्हूधाः
येँ (सन्ध्या टाइम्स)/ नेपालभाषा स्यनेज्या कुथि (नेपालभाषा इन्ष्टिच्युट) या न्हूधाः जूगु दु। कुथिया न्हूधाः कथं उकिया नायः पदय् पुलांम्ह हे नायः डा. महेशमान श्रेष्ठ च्वनादीगु दु। उकथं हे दुजलय् विकासभक्त श्रेष्ठ, कृष्णभक्त मानन्धर, बसन्त बहादुर ताम्राकार, प्रेमहिरा तुलाधर, गोर्की श्रेष्ठ च्वनादीगु दुसा सदस्य सचिवय् मदनसेन वज्राचार्य च्वनादीगु दु। उकिया सल्लाहकारय् सर्वोत्तम डंगोल च्वनादीगु दु ।
उगु स्यनेज्या कुथिं नेपालभाषा स्यनेज्याया निंतिं पाठ्यसफू दयेकेत मदनसेन वज्राचार्यया संयोजकत्वय् सुवर्णमान तुलाधर, विष्णु चित्रकार, प्रेमहिरा तुलाधर व निर्मल वज्राचार्य दुथ्याःगु छगू कमिटी नं नीस्वंगु दु ।
नेपालभाषा स्यनेज्याया न्हापांगु पलाः कथं नेपालभाषा स्यनामि तालिम बीत थीथी थासय् स्वापू तयाः नांधलः दयेकेगु खँ क्वःछिउगु दु ।
