खड्गसिद्धि जात्रा न्यायेकेत समिति स्वन
येँ (सन्ध्या टाइम्स)/वइगु दँया मोहनिनिसें न्ह्याइगु पचली भैरवया झिंनिदँया जात्रा न्यायेकेत १४ म्ह दुजः दुगु 'पचली भैरव तथा भद्रकाली १२ वर्षे खड्गसिद्धि जात्रा संचालक समिति' नीस्वंगु दु। गुथिया थकालि व मूलगुरु पृथ्वीनारायण मालीया उपस्थितिइ जूगु मुँज्यां भरत मालीया संयोजकत्वय् जात्रा संचालक समिति स्वंगु खः। समितिया उपाध्यक्ष प्रेम माली, सचिव सुनिल मालाकार व कोषाध्यक्ष पदय् सुरेश मालाकार च्वनादीगु दु ।
संचालक समितिया दुजलय् भरत मालाकार, राजेन्द्र मालाकार बुरांख्यः, राम मालाकार, राकेश मालाकार जनबहाल, सुरेन्द्र माली, कृष्ण मालाकार, महेश मालाकार, राजेन्द्र मालाकार मरुबही व राकेश मालाकार मरुबही च्वनादीगु दु ।
राष्ट्र प्रमुखयात ग्वँय्दां तयाः मोहनिया चालं कुन्हु राष्ट्र प्रमुखपाखें खड्ग हिलेधुंकाः थुगु झिंनिदँया खड्ग जात्रा शुरु जुइगु खः। एकादशि कुन्हु येँया थःने क्वःने चाःहिलेधुंकाः पञ्चबली बियाः थुगु गथुद्यः प्याखं लगं, ग्वःफः, श्वेत भैरव, बाह्र वर्षे तुं, ह्यूमत, चिकंमू, मरु, हनुमानध्वाखा, यल, ख्वप, टोखा, तुपिया, चपली, सक्व, चांगु व दलाछि बहालय् हुइकाः सीजा नके धुंकाः टेकु दोभानय् ख्वाःपाः च्याकाः क्वचाइ ।
