अनिश्चितकालीन बन्द लित काल

येँ (सन्ध्या टाइम्स)/यातायात मजदूरतय्सं थनिंनिसें यायेगु धयातःगु अनिश्चितकालीन यातायात बन्द लित काःगुलिं मध्य व सुदूरपश्चिमय् थनिंनिसें यातायात संचालन जूगु दु। असोज ९ व १० गते निन्हु मध्य व सुदूरपश्चिम यातायात बन्द याःपिं मजदूरतय्सं थःपिनि माग पूरा मजूगुलिं धासें थनिंनिसें अनिश्चितकालीन बन्दया घोषणा यानातःगु खःसा प्रशासनं स्वन्हुया दुने माग पूरा यायेगु बचं बिउगुलिं बन्द ज्याझ्वः लितकयागु खँ धाःगु दु ।