कोरियाय् कासामि हना
येँ (सन्ध्या टाइम्स)/नेवाः पुचः दक्षिण कोरियां वंगु सेप्टेम्बर यँयाः पुन्हि कुन्हु दक्षिण कोरियाय् नेपाःया झिंछम्ह राष्ट्रिय कासामितय्त हनेज्या यात। पुचःया नायः नबिन बज्राचार्यया सभापतित्वय् जूगु उगु ज्याझ्वलय् सजिवकृष्ण मुस्यानं लसकुस यानादीगु खः। ज्याझ्वलय् उपस्थित सकसितं यँयाःया लुमंति बी कथं समय्बजि नकूगु खः ।
लिसें उगु हे ज्याझ्वलय् बीबीसी साझा सवालया सञ्चालक नारायण श्रेष्ठयात नं हनेज्या याःगु खः। ज्याझ्वलय् कासामित मौसमी गुरुङ, सृजना विरहीपिं नं दुगु खः ।
ज्याझ्वलय् नेपाःया कासा ख्यःया विकासय् योगदान बिउपिं ११ म्ह कासामितय्त नेवाः परम्परा कथं हनेज्या याःगु खँ नेवाः पुचःया न्वकु रमेश श्रेष्ठं कनादिल ।
