वैदेशिक हस्तक्षेपया कारण देय् संकटय् : शेरचन

एकीकृत नेकपा (माओवादी)या स्थायी समिति दुजः अमिक शेरचनं वैदेशिक हस्तक्षेपया कारण देय् न्हियान्हिथं संकटय् लानावंगु खँ धयादीगु दु । वय्कलं आः नं वैदेशिक हस्तक्षेपविरुद्ध स्वाधिनतालिसे मुक्ति आन्दोलन न्ह्यानाच्वंगु धयादिल ।

अखिल नेपाल किसान संघया तत्कालीन केन्द्रीय दाँभरि लीलाप्रसाद सापकोटाया न्हापांगु स्मृति ज्याझ्वलय् न्वंवानादिसें वय्कलं न्ह्याक्वः हे षड्यन्त्र याःसां नं माओवादी पार्टी तःमज्याइगु बरु अझ धिसिलाइगु धयादिल ।

ज्याझ्वलय् माओवादी ताम्सालिङ राज्य समिति ईञ्चार्ज अग्निप्रसाद सापकोटां माओवादीं शहीदतय्सं क्यंगु लँपु मत्वःतेगु धयादिल ।

किसान नेता सापकोटाया वंगु दँ भदौ २५ गते अरनिको राजमार्ग अन्तर्गत सिन्धुपाल्चोक सतकखण्डय् यात्रुबस दुर्घटना जुयाः सीगु खः ।