संविधान मवःगुलिं ज्या बन्द
येँ (सन्ध्या टाइम्स)/शान्ति प्रक्रिया पूवंकेत व क्वःछिनातःगु इलय् हे न्हूगु संविधान निर्माणया ग्यारेन्टी यायेमाःगु माग यासें निजामती कर्मचारीतय्सं थौं थःथःगु ज्याकुथी ज्या बन्द याःगु दु ।
कर्मचारीतय्सं सुथय् १० बजेनिसें ११ बजे तक ज्या ठप्प याःगु खँ नेपाल निजामती कर्मचारी संगठनं धाःगु दु। पेशागत महासंघया आह्वानय् निजामती कर्मचारीतय्सं १ घण्टा 'पेन डाउन' याःगु खः। महासंघया आह्वानय् अस्पतालया कर्मचारीतय्सं धाःसा १ घण्टा तक हाकुगु पट्टी चिनाः ज्या याःगु खः ।
महासचिव प्रेमकुमार खनालं जारी यानादीगु विज्ञप्तिइ संविधान निर्माण व राजनीतिक सहमतिया माध्यमं दलत न्ह्याः वनेत माग यासें दबाव कथं उगु ज्याझ्वः यानागु खँ धाःगु दु।
