थौं कृष्ण जन्माष्टमी

येँ (सन्ध्या टाइम्स)/हिन्दू धर्मालम्वीतय्गु महत्वपूर्णगु दिं कथं नालातःगु थौं कृष्ण जन्माष्टमी। थौं देय्न्यंकं हे भगवान कृष्णया पूजा यायेगु नापं भजन यायेगु याइ। अथे हे नेवाःतय्सं नं कृष्णदेगः दुगु लागा नापं थाय्थासय् कृष्णया किपा ब्वयेगु अले चछि हे भजन यायेगु याइ। उकथं थौं सुथंनिसें हे यलया कृष्ण देगलय् भक्तजनत म्वःम्वः वनाः पूजा याःगु दु। थ्वहे झ्वलय् राष्ट्रपति डा. रामवरण यादव थौं सुथय् हे मंगःया कृष्ण देगलय् वनाः प्रसाद कयादीगु दु। अथे हे कन्हय् थाय्थासय् कृष्ण द्यःया सांस्कृतिक बाजं थानाः जात्रा याइगु चलन दु ।