अनमिनया म्याद थपे यायेमाःगु माग
येँ (सन्ध्या टाइम्स)/सरकारं अनमिनया म्याद थपे यायेगु मखु धकाः हयाच्वंगु बिचाःयात कयाः चीधंगु स्वंगू पार्टीं आपत्ति प्वंकूगु दु। नेपाः राष्ट्रिय पार्टी, जनहित पार्टी व संघीय लोकतान्त्रिक मञ्चपाखें थन छगू मंकाः वक्तव्य जारी यासें देशय् शान्ति प्रक्रिया अझ नं निष्कर्षय् मथ्यंनिगु व न्हूगु संविधान दयेकेगु ज्या जारी हे जुयाच्वंगु
कारणं थ्व ज्या सिमधःतले अनमिनयात लित छ्वयेगु पाय्छि जुइ मखु धाःगु दु। अनमिनयात देशय् शान्ति प्रक्रिया पूरा मजूतले कायम याना तयेमाःगु सुझाव नं उगु वक्तव्यय् धयातःगु दु ।
