अय्लाःगुलुया बं जक खुलाया ४ लाख
येँ (सन्ध्या टाइम्स)/अय्लाः त्वनाः होहल्ला याइपिं मनूत याइपिं मनूतय्त ज्वनाः बं जक पुइकाः हे बझाङया सीडीओ कार्यालयं खुलाया दुने प्यंगू लाख तका दां मुंकूगु दु ।
अन अय्लाः त्वनाः होहल्ला यानाः कर्पिनि शान्तिइ खलल याइपिं मनूतय्त ज्वनाः चछि कुनेगु व कन्हय् कुन्हु बं पुइकाः छ्वयेगु यानाच्वंगु दु। अज्याःपिं मनूतय्त कन्हय् वया थःथिति सःताः ११३५/- दां बं पुइका छ्वइगु खः। जिल्लाय् अय्लाः त्वनाः छेँय् दुःख बीपिं मनूत तसकं अप्वया वःगुलिं उमित नियन्त्रण यायेगु लागिं सर्वदलीय बैठक च्वनाः थज्याःगु निर्णय याःगु खः ।
सकलें च्वनाः याःगु निर्णय जूगु कारणं थुकियात कार्यान्वयन यायेत जिल्लाया सकलें मनूतय्सं ग्वाहालि यानाच्वंगु दु ।
