येँय् वःम्ह चलखं ल्हानाः लँय् हे मंत
येँ (सन्ध्या टाइम्स)/बागलुङं येँय् वये धकाः थौं सुथय् वःम्ह छम्ह मिजं चलखं ल्हानाः सीगु दु। बागलुङ नगरपालिका वडा नं. ४ हाडेपाखापाखें कुहां वयाच्वंगु इलय् चलखं ल्हानाः २७ दँया निर्मल शर्मा सीगु दु ।
थौं सुथय् ५ बजे वयात चलखं ल्हाःगु खः। येँय् वइगु माइक्रोबसया टिकट कयातःम्ह शर्मा इलय् बसपार्कय् मथ्यनेवं बसया कर्मचारीतय्सं वयात मालेगु ज्या नं याःगु जुयाच्वन। मालेगु �वलय् वयागु मोबाईलय् फोन याःबलय् स्वीच अफ जुयाच्वन। नापसं हे चलः वनाच्वंगु खनेवं अन हे जकं ल्हानाच्वन लाकि धकाः लगातार ४ घण्टा तक डोजरं चा चीकाः स्वःबलय् वयात अन हे सिनाच्वंगु अवस्थाय् लुइकूगु खः। सीम्ह शर्माया कलाः व छम्ह म्ह्याय् दु ।
