युट्युबय् आः तःहाकःगु संकिपा

लोकं व्हाःगु भिडियो साइट युट्यूबय् आः ततःहाकःगु संकिपा, टिभी शो आदि नं स्वये दइगु जूगु दु । थुकिया लागि युट्यूबं सोनी, सीबिएस, बिबिसी, लायन्स गेट इन्टरटेन्मेन्ट आदि ततःधंगु संकिपा कम्पनीतलिसे नकतिनि हे सम्झौता याःगु दु ।

यूट्यूबं तःहाकःगु संकिपा व टिभी शोया लागि अलग्ग हे सेक्सन दयेकूगु दु । आः तःहाकःगु संकिपा http://www.youtube.com/movies व टिभी शो http://www.youtube.com/shows लिन्कय् वनाः स्वयेफइ ।

थ्व सकतां संकिपा युट्यूबं सितिकं उपलव्ध यायेत्यंगु खः । तर थुकिइ विज्ञापन धाःसा दइगु खँ इमिसं धाःगु दु । टिभी शोया दथुइ दथुइ विज्ञापन दइगु व उकियात स्कीप याये मफइगु खँ इमिसं न्ह्यथंगु दु ।

नेल्शन नांया कम्पनीया तथ्यांक कथं युट्यूबय् भिडियो स्वइपिं मध्यय् साठी प्रतिशत मल्याक अमेरिकाया मनूत दु । वंगु महिनाय् जक युट्युबय् ९ करोड भिजिटरत वःगु खँ कम्स्कोरया तथ्यांकं क्यं ।

More Stories Like this