निक्वःगु विश्व नेवाः टेलि कन्फरेन्स जुइगु
Posted on Thu Aug 19, 2010 3:08 am NST
विश्व न्यंकया नेवाःत हानं छक्वः टेलि कन्फरेन्स मार्फ़त छथाय मुनीगु जूगु दु । थुगु पालय्या मुँज्यां विश्व नेवाः संगठनया तदर्थ समिति नं स्वनीगु धाःगु दु ।
वइगु संचवाः नेपाःया ई कथं सनिलय् खुताः इलय् थुगु मुँज्या जुइत्यंगु खः । ज्याझ्वः कथं मुँज्याय् डा रोशन श्रेष्ठं सहजकर्ताया भूमिका म्हितादी । वय्कलं मुँज्याया उदेश्य व सामान्य नियम बःचाहाकलं न्ह्यब्वये धुंकाः विश्व नेवाः संगठन समन्वय समितिया कजि दया शाक्यं न्हापांगु टेलि कन्फरेन्सया उपलव्धि बारे न्ववानादी । वयां लिपा दक्वं सहभागीपिनिगु म्हसीका कालबिल व थःथःगु बिचाः प्वंकेगु ज्या जुइसा वयां लिपा मुँज्या विश्व नेवाः संगठनया तदर्थ समिति नीस्वनेगुपाखे न्ह्याः वनी ।
नेपालमण्डल डट कमपाखें न्हापा थें थुगु पालय् नं हरेक झिगू मिनेटय् मुज्याया लाइभ अपडेट याइगु जूगु दु ।
More Stories Like this
सिक्किमय् येँयाःयात सरकारी मान्यता नेपालभाषा स्वस्थानी बाखं आः अडियोय् नेवाः स्वायत्त राज्य विरोधीतय्त खबरदारी पलिस्था चिनाखँ मुँज्याय् तिकिया फुति पितब्वज्या संचारकःमि ज्ञानकुमारयात पितृ शोक
