सभासद् मन्त

म्हिगः ग्याँस सिलिंडर लिकजुया च्याःगु मिं लाना घा:पाः जूम्ह एनेकपाया सभासद् राम कुमारी यादव वासः याकुयाकुं मन्त । वय्कःयात वासःयाकेत थौं भारतया न्हू दिल्लीइ यंकूगु खःसा अन हे मदुगु खः । तिनकुनेच्वंगु थःगु डेराय् चान्हय् ३ बजे पाखे थुगु घटना जूगु खःसा न्हापां अन लिक्क हे च्वंगु कान्तिपुर अस्पताल वयांलिपा वीर अस्पतालय् वासः याकूगु खः । सिकिस्तम्ह सभासद् यात थौं हे एयर एम्बुलेन्सपाखें थप वासः याकेत न्हू दिल्लीइ यंकूगु खः । मदुम्ह यादव धनुषा जिल्लापाखें सभासद् जुयाच्वंम्ह खः ।