धितालया हत्याराया बारे जानकारी बीम्हेसित सिरपा

दाङया संचार उद्यमी देविप्रसाद धितालया हत्याराया बारे सूचं बीम्हेसित ५० द्वः सिरपा बीगु घोषणा याःगु दु । धिताल घटनाया अनुसन्धान पुचःया प्रमुख लक्ष्मण गिरीं छगू सार्वजनिक अपिल पिथनादिसें धितालयात स्याम्ह मनू व पुचःया बारे पाय्छिगु जानकारी बीम्हेसित उगु सिरपा बीगु खँ धाःगु दु । उगु अपिलय् सूचं बीम्ह मनूया बारे जानकारी गोप्य तइगु खँ नं न्ह्यथनातःगु दु । वंगु साउन ६ गते उरहरि गां विकास समिति जसपुरय् अज्ञात पुचलं गोलीं क्येकाः धितालयात स्यानाब्यूगु खः ।