प्रचण्ड व गच्छदारयात अमेरिकी राजदूतं नापलात

नेपाःया निंतिं अमेरिकी राजदूत स्कट एच. डेलिसीं उपप्रधान नापं मधेशी जनअधिकार फोरम (लोकतान्त्रिक)या अध्यक्ष विजयकुमार गच्छदार व एनेकपा (माओवदी)या अध्यक्ष पुष्पकमल दाहाल 'प्रचण्ड' नाप खँल्हाबंला यानादीगु दु ।

प्रधानमन्त्री निर्वाचनय् समर्थन कायेत माओवादीं मधेशी मोर्चायात पार्टीया धारणा सहित लिखित पौ छ्वयेगु तयारी यानाच्वंगु इलय् राजदूत डेलिसीं माओवादी अध्यक्ष व मोर्चाया छगू घटकया अध्यक्षयात नापलाना खँल्हाबंला यानादीगु दु । माओवादी ज्याकू कोटेश्वर स्थित पेरिस डाँडा व फोरमया सिंहदरवार स्थित ज्याकूथी थ्यंका डेलिसीं राजनीतिक गतिरोधया बारे खँल्हाबंला यानादीगु खः । वय्कलं निम्हं नेतातय् प्रधानमन्त्रीया निर्वाचनया बारे च्यूताः नं प्वंकादीगु खः ।