सैन्य भर्ना विरुद्धया रिट खारेज

नेपाली सेनां न्ह्याकूगु सैन्य भर्ना प्रकृया गैरकानुनी जूगु धासें लाःगु रिट सर्वोच्च अदालतं खारेज यानाब्यूगु दु । सैन्य भर्ना शान्ति सम्झौता विपरीत जूगु धासें अधिवक्ता श्रीकृष्ण सुवेदीं दायर याःगु रिटय् बुधवाः न्यायाधीशत बलराम केसी व गौरी ढकालया मंकाः इजलासं खारेज याःगु दु । थुगु विवाद न्यायपालिका क्षेत्राधिकार दुने मलाइगु धासें सर्वोच्चं रिट खारेज याःगु खः । सर्वोच्चं थुकीया बारे निर्णय यायेगु अधिकार सरकार, माओवादी व राष्ट्रसंघ स्वंगूलिं पक्षया मंकाः अनुगमन संयोजन समितियात दुगु खँ नं न्ह्यथंगु दु । नेपाली सेनां थीथी पदय् दरबन्दी खाली जूगु धासें २०६५ काक्तिक व २०६७ बैशाषय् विज्ञापन पिथंगु खः ।