उच्च मावि शिक्षा परिषदय् तालाबन्दी

शिक्षा मन्त्रालय व प्रमुख स्वंगू विद्यार्थी संगठन दथुइया वार्ता लिपा त्रिभुवन विश्वविद्यालयया प्रमाणपत्र तह चीकेगु निर्णय याःगु विराधय् १० विद्यार्थी संगठनं उच्च मावि शिक्षा परिषद सानोठिमीइ तालं ग्वयाब्यूगु दु । आन्दोलनकारी विद्यार्थीतय्सं परिषदया उपाध्यक्ष व सदस्य सचिवया ज्याकूथी तालं ग्वयाब्यूगु दु । अथेहे आन्दोलनरत विद्यार्थीतय्सं देय्न्यंकया त्रिवि अन्तर्गतया क्याम्पसया प्रमुखया ज्याकूथी नं तालं ग्वयाब्यूगु दु ।