उरुग्वे, नेदरल्याण्ड, जर्मनी व स्पेन सेमीफाइनलय्

शुक्रवाः व शनिवाःया कासा लिपा विश्वकप फुटबल कासाय् उरुग्वे, नेदरल्याण्ड, जर्मनी व स्पेन सेमीफाइनलय् वंगु दु । थुपिं टिम दथुइ आः उरुग्वे व नेदरल्याण्ड दथुइ कासा जुइसा जर्मनी व स्पेन दथुइ कासा जुइ । निगुलिं टिमपाखें त्याःगु देशत जुलाइ ११ या दिनय् फाइनल कासाय् वनी ।

थ्वया न्ह्यः क्वार्टर फाइनलय् ब्राजिल, घाना, पाराग्वे व अर्जेन्टिना कासां पिहां वंगु दु । थुगु विश्वकपय् दावेदार विजयी राष्ट्र कथं कयातःगु ब्राजिल व अर्जेन्टिना विश्वकपं पिहांवंगुयात थुकिया समर्थकतय्सं निराशाजनक कथं काःगु दुसा जर्मनीया प्रस्तुतियात समीक्षकतय्सं प्रशंसा याःगु दु । जर्मनी व अर्जेन्टिनाया कासाय् ०-४ गोल अन्तरय् जर्मनीपाखें अर्जेन्टिनाया लज्जास्पद पराजय जूगु खः ।

More Stories Like this