'डेमोक्रेसी इज ब्ल्याक' उत्कृष्ट (भिडियो सहित)

संयुक्त राज्य अमेरिकाया सरकारं देय्दँसं यानावयाच्वंगु डेमोक्रेसी भिडियो च्यालेन्ज धेंधेंबल्लाय् थुगुसी नेपाःया अनुप पौडेलं दयेकूगु भिडियो न्हाप लाःगु दु । काभ्रे महादेवस्थाल गाविसया नीदँया पौडेलं 'डेमोक्रेसी इज ब्ल्याक' शीर्षकय् १ मिनेट ३० सेकेन्डया भिडियो दयेकूगु खः ।

हलिमय् न्यंकया निद्वः स्वयां अप्व प्रतिस्पर्धीतय्सं ब्वति काःगु उगु धेंधेंबल्लाय् पौडेलं डेमोक्रेसीयात प्यंगू रंग मार्फत एकता, स्वतन्त्रता, शान्ति व माया कथं परिभाषित यानातःगु दुसा: हाकूगु रंग धइगु राष्ट्रया शक्ति जूगु खँ क्यनात:गु दु । एसियन डेभलपमेन्ट बैंकं फिलिपिन्सय् ग्वसाःग्वःगु जलवायु परिवर्तन सम्बन्धी भिडियो धेंधेंबल्लाय् नं पौडेलं दयेकूगु भिडियो उत्कृष्ट ठहर जूगु खः ।

अमेरिकी सरकारं ग्वसाःग्वःगु थुगुसीया धेधेबल्लाया अन्तिम १८य् नेपाः पाखें पौडेल व श्री गुरुङ ल्यःगु खः ।

More Stories Like this