ख्वालय् वःगु दाग हुयादिसँ

मिसातय्गु सौन्दर्यता शरीरया मेमेगु भाग मध्ये ख्वाःया भूमिका महत्वपूर्ण दु । नाइसेच्वंगु व स्वय्बले यइपुसेच्वंगु ख्वाःया थःगु हे अलग्ग बिशेषता व आकर्षण नं दु । तर विभिन्न कारणं यानाः यदि ख्वालय् छुं नं कथंया दाग, कै आदि वल धाःसा म्ह हे सुकुमदुथें जुयाच्वनी । थ्व हे कारणं हरेक मनूत थ्व समस्या पाखें तापाय्त विभिन्न उपायत मालेत तत्पर जुयाच्वंगु झीसं खंकेफु ।

ख्वालय् अप्वः याना वइगु विभिन्न दाग व कै यक्वः कथंया दु । गथेकि मिखाःया क्वय् दइगु हाकुगु दाग न्यतालय् खनेदइगु तुइसे च्वंगु दाग विफर या दाग डण्डीफोरया दाग आदि ।

मिखाःया क्वय् खनेदइगु हाकुगु दाग छगू अप्वसिया उमेर अनुसार खनेदइगु िचं खः । अले अप्वः मिसातय्सं थ्व दाग मदय्केगु नितिं धकाः विभिन्न कथंया मेकअप याना मदय्केगु कुतः याःगु अप्वः खनेदु । तर मेकअपं थ्व गबले तक त्वपुइ न्ह्याबलें मेकअप जक यानां नं ख्वाःया रुप तक नं स्यनेफु ला हय्कुना वनेफु । उकिं थुकिया नितिं थ्वहे बांलाइकि दागया मू कारण छु खः सिइका वासः यायेगु ।

उकिं थ्व सम्बन्धय् दकले न्हापां थ्व हे न्ह्यसः दनिकि मिखाःया क्वय् प्यखेरं थ्व हाकुगु दाग गथे जुयाः
वल व उकिया मू कारण छु खः झासं न्हापां व खँनि सिइके ।
मिखाःया जवं खवं च्वंगु छ्यंगु तसकं नाइसे व संवेदनशील जुइ । अले मानसिक तनाव थःत माक्वः न्ह्यः मवइगु हीया कमि व भिटामिनया कमि थुकियात तसकं प्रभाव लाकिइ ।

टिप्स
- सन्तुलित खाना नय्गु, भिटामिन सी पर्याप्त मात्राय् नय्गु गुिकं छ्यंगु बांलाइगु लिसें आकर्षित जुइ ।
- गनतक सम्भव दु मेकअप कम हे जक यायेगु बांलाइ ।
- द्यने न्ह्यः मिखाःया छचाखेरं विस्तारं मसाज यायेगु ।
- अनावश्यक मानसिक तनाव व मनोवैज्ञानिक समस्यां थः स्वय्म तापाय्गु व आवश्यक जुल धाःसा मनोबैज्ञानिकतय्गु सल्लाह कायेगु ।
- पुदिनाया पेस्ट दय्का प्रभावित थासय् २० मिनेट तक तयाः
सिलेगु ।
- आयुर्वेदिक रक्तशोधक वासः छ्यलेगु यानादिसँ ।
दागया प्रभाव कम यायेगु नितिं प्याजया रस मह मिसेयाना तयेगु व गन धुंकाः लुमुलुमु धाःगु लखं सिलेगु ।
- ख्वालय् वःगु कै यात तिया तमछ्यायेगु ।
- च्याः पत्ति लखय् दाय्का व लखय् कपाय् तयाः ख्वालय् हल्का मालिस यायेगु ।
- ख्वालय् चातः धात धाःसा हार्मोनयुक्त कि्रम वा एन्टीरिकल कि्रम छ्यलाः दिसँ ।
- ख्येंया तुयुगु भाग तयाः दय्का तःगु फेसप्याक तल धाःसा उकिं नं छुं ग्वहालि याइ ।

थुपिं थीथी उपायत छ्यलादिल धाःसा छिगु सौंन्दर्य अझ अप्वः बांलाकेत ग्वहालि याइ ।

More Stories Like this

हाइकुया सैद्धान्तिक ख्यलय् तिबः
हाइकुया तत्व
हाइकुया तत्व व नेवाः हाइजिनपिं पृष्ठभूमि
ग्लेमरस तीज
नयेगु मखुला कागति अचार?