सक्वय् देगः दनेत ग्वहालि कथं अष्ट्रेलियाय् डान्स पार्टी
Posted on Sat Jun 12, 2010 10:11 pm NST
सक्वया इम्ला गणेश देगः जीर्णोद्धार ग्वहालिया लागि कन्हय् आइतवाः गुथि अष्ट्रेलियां छगू डान्स पार्टी यायेत्यंगु दु । सिड्नीया वर्ल्ड स्क्वायर पबय् उगु ज्याझ्वः बहनी ८:०० ताःनिसें चान्हय् २:०० ताःतक जुइत्यंगु खः ।
गुथि अष्ट्रेलियां सक्वया 'फ्रेण्डस अफ साँखु' व भेरेनिगिन नेपाल नेदरल्याण्डया ग्वहालिइ सन् २०११य् उगु गणेद्यःया देगः दयेकीगु ताः तयातःगु दु । न्हापा नितँ जुयाच्वंगु थुगु देगः नब्बे सालया तःभुखाचं दुनाः लिपा छतँ जुइक छुं भचा जीर्णोद्वार जूसां देगःया पुलांगु स्वरुप तनाच्वंगु खः । आः जुइगु जीर्णोद्धारय् देगः नितँया दयेकाः पुलांगु हे स्वरुपय् हयेत्यंगु दु । थुकिया लागि गुथि अष्ट्रेलियां २२ लाखया अनुमानित बजेट पिकाःगु दु ।
More Stories Like this
सिक्किमय् येँयाःयात सरकारी मान्यता नेपालभाषा स्वस्थानी बाखं आः अडियोय् नेवाः स्वायत्त राज्य विरोधीतय्त खबरदारी पलिस्था चिनाखँ मुँज्याय् तिकिया फुति पितब्वज्या संचारकःमि ज्ञानकुमारयात पितृ शोक
