क्षयरोगया रोकथामय् ग्वहालि याःपिन्त ओत्सुका सिरपा
नेपाल क्षयरोग निवारण संस्थां क्षयरोगया रोकथाम, नियन्त्रण व उपचारय् ग्वाहालि यापिन्त वगु बुधबा: जेष्ठ ५ गते ओत्सुका सिरपा ल:ल्हा:गु दु। संस्थाया स्वीक्व:गु केन्द्रीय सभाया अधिवेशनया झ्वलय् थीथी व्यक्ति व संस्थातयत हंगु ख:।
ज्याझ्वलय् संचारसंस्थापाखे उज्यालो ९० नेटवर्क, संचारक:मिपाखे उज्यालो ९० नेटवर्कया सिल्भिया राजोपाध्याय लिसें छम्ह सामाजिक कार्यकर्ता, निम्ह कर्मचारी व छगू शाखायात हंगु ख: । उज्यालो ९० नेटवर्कया प्रतिनिधित्व यासें उज्यालोया अपरेशन म्यानेजर कृष्ण गुरागाईं नं सिरपा ल:ल्हाना कयादीगु ख:।
नेपाल क्षयरोग निवारण संस्थां देयन्यंकया स्वीनिगू जिल्लाशाखा मार्फत क्षयरोग नियन्त्रण व रोकथामया लागिं संचार, सामाजिक परिचालन व वकालत यानावयाच्वंगु दु। धौख्यलय् जूगु संस्थाया केन्द्रिय सभा अधिवेशनयात वरिष्ठ साहित्यकार लिसें संस्कृतिविद् सत्यमोहन जोशीं उलेज्या यानादीगु ख: ।
More Stories Like this
मां लुमंकेगु दिं मातातिर्थ औंशी (मांया ख्वाः स्वयेगु औंशी) तोखाया इतिहास व विस्काः नखः संविधानय् बहिष्कृत समुदायया मुद्दा पेट्रोल डिजेल मन्त्रालय! समाजसेवी लक्ष्मीदासया निक्वःगु ज्याःजंक्व जुइगु
