अष्ट्रेलियन पुचलं ज्यंकीन सगरमाथाया रहस्य

इडमण्ड हिलारी व तेन्जिङ शेर्पां सगरमाथा गये स्वया स्वीदँ न्ह्यः सन् १९२४ य् हे मनूत सगरमाथाया च्वकाय् थ्यने धुंकूगु न्हूगु रहस्य ज्यंकीगु जूगु दु । छगू अष्ट्रेलियन पुचलं थ्वहे हप्ताय् थ्व रहस्य ज्यंकेत्यंगु खः ।

सन् १९२४ य् एण्ड्रिउ इरभिन व ब्रिटन जर्ज म्यालोरी सगरमाथा गःगु खः । तर सगरमाथा गयेगु झ्वलय् हे इपिं अन तंगु खः । लिपा सन् १९९९ य् म्यालोरीया लाश लुयावःगु खःसा इरभिनया लाश धाःसा आःतक नं लुया मवःनि । इपिं सगरमाथाया च्वकाय् थ्यंगु थप प्रमाण थुगु हप्ताय् लुया वइगु आशा याःगु दु ।

थुगु हप्ताय् सगरमाथा गयाच्वंम्ह अष्ट्रेलियन पर्वतारोही डन्कन चेसेलया धापू दु - "जिं सगरमाथायात क्वथीक ब्वनागु दु, थुगु हप्ताय् छुं न छुं लुइ धकाः जिपिं तसकं आशावादी जुयागु दु ।" चेसेलया पुचः म्हिगः मंगलवाः सगरमाथानिसें गयेगु शुरु याःगु दुसा वइगु आइतवाः वा सोमवाः सगरमाथाया च्वकाय् थ्यनीगु धाःगु दु ।

More Stories Like this