मुस्मां मय्जु अमेरिकाया दक्कले बांलाःम्ह मिसा

मिशीगनया २४ दँया मुस्मां पृष्ठभूमिया रीमा फकीह न्हूम्ह मिस अमेरिका घोषित जूगु दु । आइतवाः बहनी जूगु सुन्दरी प्रतियोगीताय् ५० म्ह मेपिं प्रतियोगीतय्त ल्यूने लाकाः रीमां थुगु ताज त्याकूगु खः।

रीमाया परिवार लेबनानं स‌ं.रा. अमेरिका वःगु खः । दक्कले न्हापा न्यूयोर्कय् च्वनाः लिपा इपिं मिशिगनय् सरे जूगु खः, गन रीमां मीस मिशिगनया उपाधि त्याकल । वया परिवार इस्लाम व क्रिश्चियानिटी निगुलिइ नं आस्था तइपिं धकाः धाःसां रीमा धात्थें मुस्मां हे खः वा अरबी अमेरिकन जक खः धकाः त्याजिगु धाःसा मदुनि ।

थुगु उपाधि त्याके धुंकाः आः रिमा दच्छितक न्यूयोर्क फिल्म अक्यादमिइ छात्रवृति सहित ब्वने दइगु जूगु दु ।

More Stories Like this