ह्यापी बर्ड डे - फेसबुक !

'यदि फेसबुक छगू देय् जूगु जूसा जनसंख्याया ल्याखं थ्व विश्वया च्यागूगु तःधंगु देय् जुइगु खः - जापान, रसिया व नाइजेरिया स्वयां ठिक न्ह्यःने' - फेसबुकया सिइओ मार्क जकरबर्गं च्वःगु छगू ब्लगया छगू लाइन खः थ्व । १५ करोड मेम्वरत दुगु थुगु सोसल नेटवर्किङ साइट फेसबुक थौं न्यादँ फुनाः खुदँय् क्यंगु दु ।

हार्वर्ड विश्वविद्यालयया छम्ह विद्यार्थीं सन् २००४ य् चायेकूगु फेसबुक थौं विश्वया दक्कले तःधंगु सोसल नेटवर्किङ साइट जूगु दु । मेगु न्ह्यथनेबहःगु खँ ला थुकिइ दुपिं १५ करोड मेम्बरत मध्यय् झण्डै बच्छि मेम्बरतय्सं थ्व साइट न्हिंन्हिं छ्यलाच्वंगु दु । लोकंव्हाःगु सोसल नेटवर्क साइट माइस्पेशया १३ करोड मेम्वरतय्त लिफ्यानाः थुगु साइट दक्कले न्ह्यःने वनेत सफल जूगु ला द हे दु, थुगु साइट संसारभरया दक्वं वेबसाइट मध्येय् शेयरया ल्याखय् न्यागूगु थासय् थ्यंगु दु ।

More Stories Like this