नयेगु मखुला कागति अचार?

रेणु मुलेपति
असं, येँ

न्हिंन्हिं छेँय् जा नय्बले जुइमा वा ततधंगु भ्वय् वनेबले जुइमा त्वाक्क अचार छता मन्तकि नया थें हे जुइमखु । उकिं अचारया महत्व आपा हे दु । "बांलाःगु खँ न्यनेदतकि अचार म्हुतुइ तया थें हे जुल का" । नेवाःतय्गु थ्व खँत्वाःयात दुवालास्वय्बले नं अचारयात नेवाःतय्सं गुलि यय्कू धैगु प्रष्ट जू ।

अचार तःता प्रकारया दु उकी मध्ये छेँय् छेँय् हे सकसिनं दय्के अःपुगु अले बुढाबुढी ल्यायम्हल्यासी मचात सकसित यइगु कागती अचार दय्केगु बारे छुं भतिचा च्वयेगु जुइ ।

माःगु सामान
कागती - १ के.जी.
चिचुं - २०० ग्राम
ह्याउँगु मल्ताचुं - १५ ग्राम
पालु तुक्रा - १२५ ग्राम
मी - २० ग्राम
हिं - २ ग्राम
ईकाचुं - २० ग्राम
हलू - ८ ग्राम
वाउँगु मल्ता - १२५ ग्राम
तू चिकं - ३०० ग्रााम

दयेकेगु तरिका
१) रस दुगु कागती बांलाक्क लखं सिलेगु
२) पिनेच्वंगु खाइगु ख्वला चक्कुं तासे यायेगु
३) छगः कागतीयात प्यकू तुक्रा यायेगु ।
४) न्हापांगु न्हिखुन्हु १० प्रतिशत चि तयाः वालाः तोपुयाः निभालय् तयेगु ।
५) कन्हेखुन्हु ५ प्रतिशत चि थपे यानाः बांलाक्क सङ्काः निभालय् तया तयेगु ।
६) हाकनं कन्हेखुन्हु ५ प्रतिशत चि तयाः सङ्काः बिइगु ।
७) थथे यानाः १५ न्हु तक क्युरिङ याय् धुंकाः च्वय् बियातःगु मसला थुकी ल्वाकछ्यानाः फय् मवंक शिशिइ तयेगु ।
८) च्यान्हु दय्काः थ्व अचार तयार जुइ ।
९) थथे यानाः दय्कातःगु अचार दच्छिनिसें निदँतक स्यनीमखु । निदँया दुने न्ह्याबलें नःसां ज्यू ।

More Stories Like this

हाइकुया सैद्धान्तिक ख्यलय् तिबः
हाइकुया तत्व
हाइकुया तत्व व नेवाः हाइजिनपिं पृष्ठभूमि
ग्लेमरस तीज
ह्यापी फ्रेन्डशीप डे!