गच्छदार नेपाःयात हिन्दू राष्ट्र कायम यायेगु पक्षय्

जनआन्दोलन २०६१/६२ लिपाः पुनस्थापना जूगु प्रतिनिधि सभां जनताया भावना कथं नेपाःयात धर्मनिरिपेक्ष देय् घोषणा यायेधुकूगु व नेपा:या अन्तिरम संविधान पाखें हे धर्मनिरपेक्ष राष्ट्र घोषणा जुइधुंकूगु इलय् उपप्रधानमन्त्री विजयकुमार गच्छदारं छुं नं हालतं नेपाःयात हिन्दु राष्ट्र कायम यानातुं त्वःतेगु खँ धयादीगु दु ।

विश्व हिन्दु महासंघया स्थापना दिवसया लसताय् बुधवाः येँय् जूगु छगू ज्याझ्वलय् उपप्रम गच्छदारं थः नं हिन्दु जूगु धयादिसें हिन्दु राष्ट्र दयेकेत थःम्हं दक्वं नेतातय् ध्यानाकर्षण यायेगु धयादिल । वय्कलं आः जारी जुइगु न्हूगु संविधानय् हिन्दुतय् पहिचानयात ल्यंकातयेगु धयादिसें हिन्दुतय् अस्तित्वयात कायम यायेत सरकार दुने पाखें हे संघर्ष यायेगु धयादिल ।

ज्याझ्वलय् वय्कलं विश्व हिन्दु महासंघया मानार्थ दुजः नं कयादीगु खः ।