एमाले नेतातय् कार्यविभाजन हेरफेर
बुधवाः च्वंगु नेकपा (एमाले)या स्थायी समितिया बैठकं एमाले नेतातय् कार्यविभाजन हेरफेर याःगु दु । हेरफेर याःगु जिम्मेवारी कथं उपाध्यक्ष अशोक राईयात मोर्चा संगठन, महासचिव ईश्वर पोखरेलयात संगठन, भरतमोहन अधिकारीयात अर्थ, योजना, अनुसन्धन व आर्थिक विभाग प्रमुखया जिम्मेवारी ब्यूगु दु ।
अथेहे मुकुन्द न्यौपानेयात उद्योग-व्यवसाय व श्रम सम्बन्ध, अग्नि खरेलयात कानुन व निर्वाचन, वामदेव गौतमयात कृषि व भूमिसुधार, प्रदीप ज्ञवालीयात प्रचार व राजेन्द्र पाण्डेयात राज्य व्यवस्था विभाग प्रमुखया जिम्मेवारी ब्यूगु दु ।
बैठकं वेदुराम भुषालयात पार्टी स्कुल, केशव बडालयात सहकारी, गोकर्ण विष्टयात स्थानीय विकास व भौतिक पूर्वाधार, महेन्द्र पाण्डेयात शिक्षा व मानव स्रोत, विष्णु पौडेलयात संविधानसभा, संसदीय विभाग, प्रदीप नेपायात प्राकृतिक स्रोत व्यवस्थापन व केपी ओलीयात विदेश विभाग प्रमुखया जिम्मेवारी ब्यूगु दु ।
बैठकं महसचिव ईश्वर पोखरेल, स्वम्ह सचिवत युवराज ज्ञवाली, विष्णु पौडेल व शंकरेल नापं ज्याकू सचिव गंगालाल तुलाधर व केन्द्रीय कमिटी दुजः परशुराममेघी गुरुङ दुथ्याःगु केन्द्रीय सचिवालय नं गठन याःगु दु ।
