तिंख्यलय् कोइरालाया श्रद्धाञ्जली सभा

नेपाली कांग्रेसया सभापति मदुम्ह गिरिजाप्रसाद कोइरालाया पुण्य निथि व श्रद्धाञ्जली सभा थ्वहे वइगु चैत २१ गते याइगु जूगु दु । उकुन्हु सुथसिया झिंछतात्याः इलयय् येँया तिंख्य खुल्लामञ्चय् सभा याइगु ग्वसाःग्वःगु दु । कांग्रेस पार्टी केन्द्रीय ज्याकूया ग्वसालय् येँ, यल व ख्वपया ब्वतिलय् उगु श्रद्धाञ्जली सभा यायेत्यंगु खः । अथेहे कोइराला मदुगु झिंस्वन्हुया प्रसाद ग्रहण पशुपतिया वनकालीलय् याइगु खँ धा:गु दु ।

अथेहे स्वनिगलं पिने जिल्ला जिल्लाय् याइगु शोक व श्रद्धाञ्जली सभा चैत १९ गते यायेगु निर्णय कांग्रेस केन्द्रीय ज्याकूथीं बुधवाः पिथंगु विज्ञप्तिइ न्ह्यथनातःगु दु ।