लडाकु समायोजन व पुर्नस्थापना न्हापांगु प्राथमिकता : शान्तिमन्त्री
शान्ति व पुननिर्माण मन्त्री रकम चेम्जोङं माओवादी लडाकुया समायोजन व पुर्नस्थापनायात न्हापांगु प्राथमिकताय् तयेमाःगु खँ धायदीगु दु । वय्कलं थुकीयात न्हापांगु प्राथमिकताय् तःसा जक इलय् हे संविधान जारी यायेफइगु धयादिल ।
बुधवाः विराटनगरय् पत्रकारतनाप खँल्हाबंला यानादिसें मन्त्री चेम्जोङं माओवादी लडाकुया समायोजन मजुइकं, वाईसीएलया अर्थसैनिक संरचना कायम जुतल्ले व कब्जा यानातःगु सम्पत्ति लितमबीकं संविधान जारी जुइमफइगु धयादिल ।
वय्कलं थुपिं दक्वं माग पूमवंक माओवादी नागरिक पार्टी जुइमफइगु व नागरिक पार्टी मजुइकं उमित विश्वास यायेमफइगु धयादिल । नापं वय्कलं माओवादी नागरिक पार्टीइ रुपान्तरण जुसाः सरकारया जिम्मेवारीया विषयलय् नं सहलह जुइफइगु धयादिल ।
अथेहे मन्त्री चेम्जोङं संविधान निर्माणय् माओवादी गम्भीर मजूगु द्वपं बियादिसें माओवादी लडाकुया भत्ता कमाण्डरं एकमुष्ट काइगुलिं ध्यबा दुरुपयोग जुइगु आशंका सरकारं यायेगु स्वभाविक जूगु धयादिल ।
