कोइरालाया अन्त्येष्ठिइ भारतं प्रतिनिधिमण्डल वइगु
बीबीसी/नेपाली कांग्रेसया सभापति नापं पुलांम्ह प्रधानमन्त्री गिरिजा प्रसाद कोइरालया अन्त्येष्ठिइ ब्वति कायेगु निंतिं भारतया छगू प्रतिनिधिमण्डल वइगु जूगु दु ।
कोइरालाया अन्तयेष्ठिइ भारत सरकारया पाखें वित्त मन्त्री प्रणव मुखर्जीया नेतृत्वय् विदेश मन्त्री एसएम कृष्णा लिसें लोकसभाया अध्यक्ष मीरा कुमारं ब्वति काइगु जूगु दु।
अन्तिम संस्कारया निंतिं वइगु भारतीय प्रतिनिधिमडलं थौं हे मदुम्ह कोइरालायात अन्तिम श्रद्धाञ्जली नं देछाइगु ज्याझ्वः दु ।
थ्व हे झ्वलय् भारतीय राष्ट्रपति प्रतिभा पाटिल व प्रधानमन्त्री मनमोहन सिंहं कोइराला मदुगु दुःखय् शोक प्वंकूगु दु ।
भारतीय प्रधानमन्त्री सिंह छ्वयाहःगु शोक सन्देशय् मदुम्ह कोइराला नेपाः व दक्षिण एशियाली राष्ट्रया छम्ह सशक्त राजनीतिक योद्धा जूगु खँ न्ह्यथनातःगु दु ।
लिसें कोइरालाया निधनं नेपाःया राजनीतिइ छगू अध्याय क्वचाःगु नं भारतीय प्रधानमन्त्री सिंह शोक सन्देशय् न्ह्यथनातःगु दु ।
मदुम्ह कोइरालाया सीम्ह अन्तिम श्रद्धाञ्जलीया निंतिं थौं २ ताः ईतक दशरथ रंगशालाय् तये धुंकाः अनं छगू शवयात्रा यानाः पशुपतिइ यंकी ।
