संविधानसभाया बैठक स्थगित

आइतवाः च्वनीगु धाःगु संविधानसभाया बैठक स्थगित जूगु दु । पुलाम्ह प्रधानमन्त्री नापं संविधानसभाया दुजः नापं जुयादीम्ह कांग्रेस सभापति गिरिजाप्रसाद कोइराला मदुगुलिं आइतवाः च्वनीगु धाःगु बैठक स्थगित जूगु खः । संविधानसभा सचिवालयं सूचं तिकाः कोइराला मदुगुलिं देय् हे शोकाकुल जुयाच्वंगुलिं आइतवाःया बैठक स्थगित यायेमाःगु खँ च्वयातःगु खः । सूचंलय् संविधानसभाया मेगू बैठक सोमवाः स्वताः इलय् च्वनीगु खँ न्ह्यथनातःगु दु ।