अन्ततः सरकारं गर्भनरय् खतिवडायात नियुक्त यात
एमआरपी भारतं हे वइगु
सत्तारुढ नेकपा (एमाले) व नेपाली कांग्रेस दथुइ राष्ट्र बैंकय गर्भनर पदय् विवाद जुयाः तक्व हे स्थगित यायेमाःगु मन्त्रिपरिषद्या बैठक अन्नतः शुक्रवाः च्वंगु दु । बैठकं राष्ट्र बैंकया गर्भनरय् युवाराज खतिवडाया नियुक्त याःगु दु । झापा निवासी खतिवडा राष्ट्रिय योजना आयोगया उपाध्यक्ष खः ।
अथेहे मन्त्रिपरिषद्या बैठकं गरिवी निवारण कोषया उपाध्यक्षय् विद्याधर मल्लिकयात नियुक्त याःगु दु । पुलांम्ह अर्थसचिव मल्लिक राष्ट्रपति ज्याकूया आर्थिक सल्लाहकार खः । बैठकय् राष्ट्रिय योजना आयोगया उपाध्यक्षय् जगदीश चन्द्र पोखरेलयात नियुक्त यायेगु सहमति कांग्रेस व एमाले दथुइ जूगु खःसां सत्ता साझेदार मधेसी जनअधिकार फोरम (लोकतान्त्रिक)या असहमतिया कारणं निर्णय जुइमफुत ।
मन्त्रिपरिषद्या बैठकं मेसिन रिडेबल पासपोर्ट (एमआरपी) छपाइ भारत हे यायेत परराष्ट्र मन्त्रालययात पत्राचार यायेगु निर्णय नं याःगु दु । सार्वजनिक लेखा समितिं प्रतिस्प्रर्धा पाखें थुकी बारे निर्णय यायेत इनाप याःसां सरकारं भारतं हे छापे याकेगु निर्णय याःगु दु ।
